Books published by Monda Asembleo Socia

Problemoj de adoleskantoj en la nuntempa Kubo / Problemas de adolescentes en la Cuba actual

Jany Quiñones Valdés [hani kinjones valdés] (Havano, 1990) estas muzikisto-instru­istino pri klasika gitaro kaj pri muzikensemblo (meza nivelo, 2009) kaj licenciulino pri muziko (2015). Ekde la komenco de ŝia profesia vivo ŝi gitar- kaj tres-ludis en pluraj rekonataj muzik­grupoj de la lando. Nuntempe ŝi apartenas al la fama ensemblo Conjunto Arsenio Rodríguez, kie ŝi, post multaj jaroj de la forpa­so de Arsenio Rodríguez, la fondinto de la grupo, transprenis ties rolon de tres-ludanto. Menciindas ankaŭ, ke ŝi estas la unua virino, kiu ludas tiun instrumenton en la grupo ekde ĝia apero en 1940.Ŝi estas aktiva membro de la Kuba Esperanto-Asocio (KEA) kaj membras en la Monda Asembleo Socia (MAS). Jany Quiñones partoprenis en pluraj naciaj kaj internaciaj eventoj en Esperan­tujo. Tie ŝi prelegis kaj koncertis per tradukitaj kaj originalaj verkoj en Esperanto, de diversaj komponistoj kaj de ŝi mem.

Impresanta panoramo de la estonteco sur la unuiĝinta Tero, socio de principe novaj homoj. Ili solvis plej multajn sociajn kaj teĥnikajn problemojn, rekonstruis la planedon, trasforminte ĝin en florantan ĝardenon, eliris al la steloj, aniĝis al la «Granda Ringo» de komunikado kun aliaj civilizoj kaj prepariĝas venki la lastajn barojn, per kiuj la leĝoj de la naturo limigas rapidon de interstela komunikado. La kvintesenco de sociaj kaj filozofiaj meditoj de Ivan Efremov pri malproksima estonteco iĝis la grandskala romano kaj senekzempla en la sovetia literaturo, «La Nebulozo de Andromedo», verkita en la 1955-1956-aj jaroj. Elstara sciencisto-paleontologo kaj rimarkinda humanisma pensulo, Efremov restis en la historio de beletro ne nur kiel aŭtoro de pluraj aventuraj kaj historiaj verkoj, sed ankaŭ kiel efektiva fondinto de la sovetia sciencfikcio. Ĝuste lia granda utopio "La Nebulozo de Andromedo» malfermis vojon en literaturon por kelkaj generacioj de sovetiaj sciencfikciaj verkistoj kaj por ĉiam ŝanĝis la imagon de milionoj da legantoj pri tio, kia devas esti sovetia sciencfikcio. La verkoj de Efremov, eposaj, vastaj kaj vere belaj, jam dum multaj jardekoj legiĝas tiel, kvazaŭ ili estus verkitaj hieraŭ.

Jurij Pavloviĉ German (1910-1967) estis klasikulo de la rusa sovetia literaturo. Li distingiĝis, unuflanke, per honesteco kaj sincereco, kaj aliflanke, per skrupula atento al detaloj de ĉiutaga vivo. Li multe laboris ankaŭ en kinarto kiel scenaristo.Tiu ĉi novelo estis unu el liaj lastaj verkoj. Ĝi rakontas pri operaco de sovetiaj partizanoj kontraŭ germanaj faŝistoj, plenumita en komenco de la 1944-a jaro. La libro baziĝas sur realaj eventoj, sur dokumentoj kaj rakontoj de la partoprenintoj. Samtempe ĝi prezentas elstaran literaturan stilon kaj karakteran por German koran tonon, kaj krome ĝi levas demandojn pri fido al homoj kaj pri la stalinaj reprezalioj.

Nuntempe, speciale en Ruslando, lar¿a rifuzo de la nuna oligar¿ia kapitalismo kondukas grandan parton de la löantaro al nostalgio je la fortulo, kiu, lä la disvasti¿inta legendo, faris Sovetion mondpotenco. La viktimoj kaj la alternativoj estas ne nur pretervidataj, sed, lä la bona stalinisma tradicio, fifamig­a­taj ä ignorataj. En tiu situacio ¿ajnas interese ne nur paroli pri Stalino, sed paroligi lin mem, kaj legi lin per kritika legado, kun kelkaj necesaj akompanaj klarigoj.

Aleksandro Grin (vera nomo Aleksandr Stepanoviĉ Grinevskij) (1880-1932), klasika rusa verkisto, romantika realisto, okupas en la rusa kaj en la monda literaturo tute specialan kokon. Li havis nek antaŭulojn nek rektajn sekvantojn. Eĉ la ĝenro de liaj verkoj estas malfacile determinebla. Iam oni difinis ĝin kiel fantaston, sed li mem protestis kontraŭ tio, dirante, ke «La mondo brilanta» estas ne fantasta romano, sed simbola. Grin estas defendanto de humanismaj moralaj idealoj. La romantiko de Grin venas el dezirego vidi la mondon pli alta, pli perfekta, kaj tial la animo de la verkisto tiom dolore reagas al ĉio morma, malhumana.

DEK SES ĈINAJ LEGENDOJ KAJ INFANRAKONTOJ estas la rezulto de kursanoj de Ateliero pri Tradukado sub la gvido de la instruisto Pedro Fernández Rodríguez, kies lernantoj membras en KoToĈo-GE (KubaTajĝiĉiĉjŭan kaj Ĉigong por la Sano- Grupo de Esperanto) aŭ estas kunlaborantoj. La libro estis preparita honore al la centa datreveno de la forpaso de Zamenhof; al la Internacia Librofoiro en Havano dediĉita tiun ĉi jaron (2018) al Ĉinio kiel Honora Invitita Lando, kaj por saluti la 9-an Tutamerikan Kongreson de Esperanto (TAKE) en Havano. Partoprenis en la libro naŭ kolegoj. Ĉi tie la kursanoj klopodis atentigi interalie pri malnovaj ĉinaj saĝoj de antaŭ plurmil jaroj, ekz-e de Laozi: ke dum sia ekzistado la homoj trapaŝas sian vivon kiel vojaĝantoj kaj ke nur valoras homaj povoj aŭ kapabloj por praktiki proprajn virtojn: La povo forgesi la pasintecon; la povo toleri; la povo alfronti la vivon; la povo adaptiĝi al diversaj cirkonstancoj; la povo juste juĝi; la povo scii vere ĉu jesi aŭ nei; la povo esti solidarema; la povo resti interne en paco.

'Favora, klare verkita kaj politike klera raporto pri la kartvela respubliko, kiu plene utiligas la raportojn de fremdaj obervantoj kiel ankaŭ de la plej grandaj gvidantoj.'Donald Rayfield, verkinto de Stalin and His Hangmen 'Ĝi pritraktas kernan sed strange pretervidatan periodon de la febra evoluo de socialismo, ni estis atendantaj ĉi tiun libron dum longa periodo. Bonŝance ĝi alvenis kaj ĝi estas elstare verkita kaj priesplorita.'Peter Nasmyth, verkinto de Georgia: In the Mountains of Poetry 'En klara kaj konciza stilo Eric Lee petras simpatian bildon de ĉi tiu rimarkinda eksperimento pri demokrata socialismo. Lee portis ĉi tiun preskaŭ nekonatan rakonton ekster la ombrojn, kaj li donas al ĝi ĝian ĝustan lokon en la historia verkado pri socialismo kaj la rusa revolucio.'Stephen Jones, verkinto de Socialism in Georgian Colors 'Eric Lee lerte montris en ĉi tiu komplete esplor-bazita libro, kiel antaŭ unu jarcento Kartvelujo kreis la unuan demokrtan socialisman respublikon - kaj metis la bazojn por la demokrata, hodiaŭa Kartvelujo.'Ambasadora moŝto Tamar Beruĉaŝvili

Tiu ĉi broŝuro entenas la tekstojn de Leo Trocko: Ilia moralo kaj la nia (kun la subtitoloj "Moralaj elŝviigoj", "Marksisma senmoraleco kaj eternaj veroj", "«La celo pravigas la rimedojn»", "Jezuitismo kaj utilismo", "«Moralpreskriboj devigaj por ĉiuj»", "La krizo de la Demokrata Moralo", "La «komuna saĝo»", "La moralistoj de la G.P.U.", "La aranĝo de la politikaj ŝakfiguroj", "La stalinismo - produkto de la malnova socio", La revolucio kaj la institucio ostaĝo", "«Kafra moralo»", "La «malmorala» Lenino", "Instruriĉa epizodo", "La dialektika interrilato inter celo kaj rimedo"), "Por Grynspan. Kontraŭ faŝistaj pogromklikoj kaj stalinistaj friponoj" (kun la subtitoloj "La stalinista kampanjo; Trovu alian vojon!");Pri la teroroLa usona pacismoArto kaj revoluccio.