თბილისის წმიდა სამების ეკლესია, ისტორია, ა

წიგნი ეძღვნება თბილისის წმიდა სამების ეკლესიის ისტორიას, რომლის აგება უკავშირდება პეტრე "ყარაულის" (აღნიაშვილის) სახელს. მას აუგია ეკლესია 1790 წელს, მომდევნო საუკუნეებში მომხდარა ტაძრის განახლება. ეს ეკლესია ყველა ქართველისთვის იმითაც არის საყვარელი, რომ აქ დაიწერეს ჯვარი ილია ჭავჭავაძემ და ოლღა გურამიშვილმა, ექვთიმე თაყაიშვილმა და ნინო პოლტორეცკაიამ და სხვ. წიგნში მოთხრობილია ეკლესიის ისტორია, ერთ-ერთი ყველაზე გამორჩეული დეკანოზის ნიკოლოზ არდაზიანის ღვაწლი. შესწავლილია ისტორიული საბუთები, რომლებიც დღემდე გამოუქვეყნებელი იყო.ასევე შესწავლილია ტაძრის არქიტექტურა და მხატვრობანი - კედლის მხატვრობა და კანკელის ხატები. წიგნის ავტორი განსაკუთრებულ ყურადღებას ამახვილებს იტალიელ მხატვარზე ლუდვიგ ლონგოზე, რომელმაც მოხატა ტაძარი XIX-XX საუკუნეების მიჯნაზე. თუმცა, დღემდე უცნობი იყო ამ მხატვრის ბიოგრაფია და ეს წიგნი, ამითაც არის საყურადღებო.