Frúin á Mellyn

Þegar Marty Leigh ferðast til Cornwall til að kenna ungri stúlku á herragarðinum Mount Mellyn hefur hún ekki hugmynd um hvað hún er búin að koma sér út í. Hin átta ára Alvean er erfiður nemandi og gerir Marty lífið leitt, en hún er staðráðin í að vinna hana á sitt band. Það er engin hjálp í föðurnum, Connan TreMellyn. Undir vinalegu yfirborðinu virðist hann fráhrindandi og grimmilegur. En Marty gefst ekki auðveldlega upp og kemst smám saman að því að þungt andrúmsloftið á herragarðinum orsakast af því að eiginkona húsbóndans og móðir Alvean lést við dularfullar aðstæður. Marty er staðráðin í að komast að leyndarmálinu, en verður hún svikin af eigin tilfinningum? Bókin er fyrsta skáldsagan sem Eleanor Hibbert ritaði undir höfundarnafninu Victoria Holt.
Höfundurinn Eleanor notaði dulnefnið Victoria Holt fyrir sögur sem áttu sér stað á gotneskum tíma, en í þeim má finna hrollvekjandi undirtón í bland við rómantík. Þær eiga sér margar stað á herragarði eða í gömlum kastala sem geyma margslungin leyndarmál.
Victoria Holt er eitt höfundarnafna Eleanor Alice Burford Hibbert. Hún fæddist í Bretlandi árið 1906 og lést 1993 og ritaði um 200 sögulegar skáldsögur um ævina undir hinum og þessum höfundarnöfnum, allt eftir umfjöllunarefni sagnanna. Meðal annarra höfundarnafna hennar eru Jean Plaidy og Philippa Carr. Verk hennar hafa unnið til verðlauna, verið þýdd á fjölda tungumála og hafa selst í yfir 50 milljón eintökum um allan heim.