2009-mi qinersinermi ajugaarujussuarnerup kingorna Kuupik Kleist naalakkersuinikkut siuttunngorpoq. Ulluni taakkunani Namminersorneq Kalaallit Nunaanni atuutsinneqalerpoq.
Angorusutat angeqaat. Aaqqissuusseqqinnerit aallartinneqartussaallutik, suusupagineqartutut inuusut pitsuussutsimit aniguisinneqarniarput, aatsitassarsiorneq aallarnisarneqartussaalluni, kammalaatersorneq allaminiullu asissueqqajaaaneq unitsinneqassallutik. Aamma Kalaallit Nunaata nunat tamalaat akornani ersialaartinneqarnera annertusarneqarusuppoq. Nunarsuup avannaarpiaata soqutigineqaleraluttuinnarnera atorluarlugu Issittumi tamani nunat inoqqaavisa atugaat pitsanngorsarniarneqarput.
Atuagaq una Namminersulernerup ukiunik qulinngortorsiorneranut tunngatitaavoq, Kuupik Kleist-ilu inuttaralugu Kalaallit Nunaanni pissutsit tamakkiisumik takutinniarneqarlutik: Namminersulivinniarneq, naalagaaffinnut pissaanilissuarnut attaveqarneq, silap pissusaata allanngoriartornerata nassatapilui aammalu Kalaallit Nunaata Danmarkillu akornanni ikit suli mamissimanngitsut.
Kuupik Kleist-ip inuunera peqatigiiaat nalaataminni qaangerniagassanik sorsutassaqarnerannik oqaluttuaavoq. Inuusuttuunermini atornerluinermik kinaassutsimillu paatsiveerunnermik nalaataqarpoq. Makeqqipporli akisussaaffimillu tigusilluni, imminuinnaanngitsoq aammali ilaquttaminut Kalaallit Nunaatalu siunissaanut. Apeqqutaavorli Kalaalit Nunaat Namminersulernerup ukiuni qulini atuutereernerani illinernik eqqortunik atuagaqarnersoq?
Join thousands of book lovers
Sign up to our newsletter and receive discounts and inspiration for your next reading experience.
By signing up, you agree to our Privacy Policy.You can, at any time, unsubscribe from our newsletters.
